राजधानीमै श्रीमानले श्रीमतीलाई जिउँदै जलाए, कस्ले सुनिदेला शोभा राईको चित्कार ?

shyane.com.np | 9:31 PM | 0 comments

काठमाडौँ, ५ असार । राजधानीमै एक श्रीमानले आफ्नी श्रीमतीलाई जिउँदै जलाएर हत्या प्रयास गरेका छन् । प्रेम विवाह गरेर ल्याएका श्रीमानले जिउँदै जलाएर मार्ने प्रयास गरेपछि खोटाङकी शोभा चाम्लिङ राई जीवनमरणको दोसाँधमा छिन् । काठमाडौँको नयाँबजारस्थित पिपुल्स अस्पतालको शैयामा छटपटाइरहेकी शोभाको चित्कार सुनिदिने कोही छैन् ।

घटना एक हप्ता अघिको हो । गत जेठ २७ गते काठमाडौँको शेषमति पैयुँटारस्थित कोठामा उनका श्रीमान राजु खड्गी श्रेष्ठले शोभालाई जिउँदै जलाएर हत्या गर्ने प्रयास गरेका हुन् । तर, छिमेकीले थाहा पाएपछि जेनतेन शोभाको उद्दार त भयो, तर उनको स्वास्थ्य अबस्था निकै नाजुक छ । उनको पूरै शरीर पोलिएको छ ।

निहुरेर मुख धुन लाग्दा स्टोभमा रहेको मट्टितेल पछाडिबाट खन्याएर आगो लगाइदिएको र कपडा खोल्न लाग्दा समेत शरीरमा नै जलिरहेको कपडा दलेर झन् थप घाइते बनाएको उनले दैनिक नेपाललाई बताइन् । आगलागीपछि जबरजस्ती बाथरूमभित्र छिराएर च्यानल गेटमा चाबी लगाएर भागेका राजु अहिलेसम्म पनि फरार छन् ।

शोभाले हारगुहार गरेपछि मात्रै छिमेकीले थाहा पाएका थिए । प्रहरी र स्थानीयबासीको सहयोगमा उनलाई जेठ २७ गते राति नै काठमाडौं नयाबजारस्थित पिपुल्समा ल्याइएको छ । उनको उपचार जारी रहे पनि साथमा एक रुपैँया पनि नभएको उनले दैनिक नेपाललाई बताइन् ।

नुवाकोट मदानपुर, बाराही स्थायी घर राजु र खोटाङकी शोभाले केही बर्ष अघि मात्रै प्रेम विवाह गरेका थिए । तर नेवार भएर राई बिहे गरेको भन्दै राजुको परिवारले उनीहरुको प्रेम विवाहलाई अस्वीकार गरे । त्यसपछि उनीहरु काठमाडौँमै डेरा लिएर बस्दै आएका थिए ।

केहीबर्ष राम्रै सम्बन्ध भए पनि ८ बर्षदेखि उनीहरुको सम्बन्ध बिग्रिएको थियो । अर्को श्रीमती ल्याएर बाहिर बस्ने बस्ने गरेका राजु कहिलेकाँहीमात्रै शोभालाई भेट्न कोठामा आउने गरेका थिए । तीन सन्तानकी आमा शोभाको दुई छोरालाई रक्षा नेपाल नामक संस्थाले लालन पालन गर्दै आएको छ ।

घटनालगत्तै फरार रहेका राजुलाई प्रहरीले खोजी गरिरहेको छ । तर, उनले भने फोनबाट आफूलाई धम्की दिइरहेको शोभा बताउँछिन् ।-dainiknepal

http://ift.tt/eA8V8J

Category:


www.shyane.com.np:
नेपालमा बसेर केहि गर्ने हाम्रो चाहना र तपाईं हरुको होउसलाले हामी लाई अगाडी बद्न सहयोग गर्नेछ । धन्यवाद !!

0 comments

Thanks.

Your Choice

रोचक जानकारी

यौन/स्वास्थ्य

TWITTER

Earth Quake Update