जब पाइलटले भने- सबैले प्रार्थना गर्नुहोला…

shyane.com.np | 12:31 PM | 0 comments

असार १२, २०७४- एयर एसियाको ए ३३० विमान अस्ट्रेलियाको पर्थबाट मलेसियाको क्वालालम्पुर जाँदै थियो । विमान पर्थबाट ३५९ यात्रुसहित बिहान ६:४० बजे उड्यो ।

बीच आकाशमा उडिरहेका बेला विमान एक्कासि थरथर हल्लन थाल्यो– कुनै वासिङ मेसिन चलेजस्तै । यही बीचमा पाइलटले घोषणा गरे, ‘विमान पर्थ फर्कंदै छ, तपाईंहरू सबैले प्रार्थना गर्नुहोला ।’

विमान असन्तुलनको अवस्थामा छ र पाइलटले प्रार्थना गर्नु भनिरहेका छन् । यस्तो अवस्थामा यात्रुको के हालत होला ? एक यात्रुले इन्स्टाग्राममा लेखेका छन्, ‘मलाई लाग्यो म मर्दै छु ।’ अर्की यात्रु सोफी निकोलसका अनुसार पाइलटले यात्रुलाई प्रार्थना गर्न आग्रह गर्दै आफू पनि प्रार्थना गर्ने र सकुशल फर्कने आशा गरेपछि यात्रुबीच झन् त्रास फैलिएको थियो । विमानको यही अवस्थाको एक यात्रुले भिडियो खिचेर सामाजिक सञ्जालमा समेत राखेका छन् ।

एयर एसियाको फ्लाइट डी ७२३७ पर्थबाट बिहान ६ः४० बजे उडेकोमा १० बजे फर्किएको थियो । विमान कम्पनीले विज्ञप्ति जारी गर्दै भनेको छ, ‘पाहुनाको सुरक्षा हाम्रो परम कर्तव्य हो ।’ पर्थ विमानस्थलका प्रवक्ताले पाइलटले विमानको इन्जिनमा प्राविधिक समस्या समयमै पहिचान गरेकाले सुरक्षित रूपमा पर्थ विमानस्थल फर्कन सफल भएको बताए ।

http://ift.tt/eA8V8J

Category:


www.shyane.com.np:
नेपालमा बसेर केहि गर्ने हाम्रो चाहना र तपाईं हरुको होउसलाले हामी लाई अगाडी बद्न सहयोग गर्नेछ । धन्यवाद !!

0 comments

Thanks.

Your Choice

रोचक जानकारी

यौन/स्वास्थ्य

TWITTER

Earth Quake Update