भारतीय नाकाबन्दी नेपालबाट सिक्किममा सर्‍यो

shyane.com.np | 9:19 AM | 0 comments

२२ असार, सिक्किम । नेपालमा नाकाबन्दी लगाएर बदनामी कमाएको भारतले आफ्नै देशको सिक्किम र दार्जीलिङका पहाडमा खाद्यान्न पठाउन रोक लगाएर नाकाबन्दी सुरु गरेको छ । नाकाबन्दीका कारण सिक्किममा भारतविरोधी भावना बढ्न थालेको छ ।
मुख्यमन्त्री चाम्लिङले स्याडवीच हुनका लागि सिक्किम भारतमा गाभिएको होइन भन्दै आफूहरुमाथि भारतले पेल्ने काम गरिरहेको गुनासो गरेका छन् ।आफ्नै राज्यका बासिन्दामाथि दैनिक उपभोग्य सामाग्रीमाथि नाकाबन्दी लगाएर भोकै पार्न थालिएपछि सिक्किममा मुख्यमन्त्री पवन चाम्लिङसमेत आक्रोशित भएका छन् ।

बुधबार नाम्चीको चिसोपानीमा मुख्यमन्त्री पवन चाम्लिङले एएटा कार्यक्रमलाई सम्वोधन गर्नेक्रममा भारतीय नाकाबन्दीको चर्को विरोध गरे ।

उत्तरी सीमानामा चिनियाँ चलखेल अनि दक्षिणको सिलिगुढीमा सिक्किमका सवारी साधनमाथि तोलडोड गरिएको भन्दै चाम्लिङले आफूहरु दोहोरो मारमा परेको बताए । सिक्किम यसरी स्याण्डविच हुनका लागि भारतमा नगाभिएको मुख्यमन्त्री चाम्लिङले बताए ।

उनले भने- ‘चाइना र बंगालवीच स्याण्डविच हुनका लागि हामीले सिक्किम भारतमा गाभेका होइनौं ।’

भारतीय नाकाबन्दीको विरोध गर्दै मुख्यमन्त्री चाम्लिङले कार्यक्रममा भने- ‘हामी भारतको संघीय व्यवस्थाभित्र छौं । सिक्किम भारतको २२ औं राज्य हो । हामीले सिक्किमलाई भारतमा गाभेर देशभक्ति देखाएका हौं । माथि चीन बोर्डरमा लडाइँ हुने आशंका छ । त्यहाँबाट पनि हामीलाई डर छ । तलबाट हामीलाई चामलै आउन नदिने । उताबाट पनि हामीलाई चेप्दैछ ।’

मुख्यमन्त्री चाम्लिङले सार्वजनिकरुपमा प्रश्न गरे- ‘के हामी इण्डियन होइनौं ? के यो देशमा हामीलाई बाँच्ने हक छैन ? सीमानामा हामीले विना तलवको सिपाहीजस्तो भएर देशको रक्षा गरेर बसेका छौं । हाम्रो कति ठूलो योगदान छ यो देशको लागि ?’

पश्चिम बंगलाले विगत ३० वर्षदेखि पहाडको बाटो थुन्ने प्रयास गर्दै आएको मुख्यमन्त्री चाम्लिङले गुनासो गरे । भारतीय नाकाबन्दीले सिक्किमको पर्यटन व्यवसाय प्रभावित भएको, सवारीसाधनहरु नचलेको र रासन पानीको समेत अभाव हुन थालेको भन्दै मुख्यमन्त्रीले सिक्किमे जनतालाई भने- ‘तपाईहरु चिन्ता नगर्नोस, तपाईहरुलाई हामी भोकै राख्ने छैनौं । भारत सरकारसित कुरा गर्छौं ।’

फलाम र सिमेन्ट खुल्ला, चामलमा नाकाबन्दी

भारतले दार्जीलिङ र सिक्किमका पहाडमा सिमेन्ट, फलामका रड आदि सामाग्रीहरु पठाए पनि खाद्यान्नको ढुवानीमा नाकाबन्दी लगाएको छ ।

खाद्यान्न रोकेर भोकै मार्न खोजेको भन्दै पहाडका जनता आक्रोशित हु्न थालेका छन् । प्रहरी प्रशासनले सिलिगुढीबाट दार्जीलिङ, सिक्किम लगायतका पहाडतर्फ जाने सडकमा ब्यारिकेट लगाएर सवारी साधनहरु रोकेको स्थानीय सञ्चारमाध्यमले लेखेका छन् ।

प्रहरीले मंगलबारदेखि यसरी खाद्यान्न ढुवानीमा प्रतिबन्ध लगाएको हो । सिमेन्ट, रड र ईंटाको ढुवानीमा रोक नलगाइएको तर खाद्यान्न बोकेका गाडीहरु छिर्न नदिइएको स्थानीय सञ्चार माध्यमले जनाएका छन् ।

खाद्यान्न बोकेर सिक्किमतिर लागेका केही सवारी साधनलाई सिलिगुडी प्रहरीले बाटैबाट फकाईदिएका छन् ।

नाकाबन्दीको सर्वत्र विरोध

पश्चिम बंगाल सरकारले गरेको नाकाबन्दीको सर्वत्र विरोध भएको छ । सिक्किमका मुख्यमन्त्री पवन चाम्लिङदेखि पश्चिम बंगालका कम्युनिष्ट नेताहरुले समेत नाकाबन्दीको विरोध गरेका छन् ।

दार्जीलिङका प्रायः सबै राजनीतिक पार्टीहरुले नाकाबन्दीको विारेध गर्दै यसलाई मानवताविरोधी कार्य भनेका छन् ।

-हिमालय दर्पणको सहयोगमा

http://ift.tt/eA8V8J

Category:


www.shyane.com.np:
नेपालमा बसेर केहि गर्ने हाम्रो चाहना र तपाईं हरुको होउसलाले हामी लाई अगाडी बद्न सहयोग गर्नेछ । धन्यवाद !!

0 comments

Thanks.

Your Choice

रोचक जानकारी

यौन/स्वास्थ्य

TWITTER

Earth Quake Update