साउदीमा एक नेपालीले ८० लाख रुपैयाँ ब्लडमनी तिर्नु परेन, आजै नेपाल फर्कदै

shyane.com.np | 2:26 PM | 0 comments

काठमाडौं, साउन ३ – तीन लाख रियाल (झण्डै ८० लाख रुपैयाँ) ब्लड मनी तिर्नु पर्ने मुद्धा खेपी रहेका एक नेपालीलाई साउदीको उच्च अदालत निर्दोष रहेको फैसला गरेको छ ।

साउदीको अरारमा रहेको खलिफ अल फला कम्पनीको पानी ट्यांकरको चालकका रूपमा ६ वर्षदेखि कार्यरत मकवानपुरको कुलेखानीका दिनेश गोलेलाई तल्लो अदालतले दोषी ठहर गरेको थियो । गोलेले चलाउने ट्याङ्करमा कार ठोक्किदा चार जना साउदी नागरिकको ज्यान गएको थियो ।

२०७२ कार्तिक ७ गते गोलेले सडकमा पानी लगाइरहेको अवस्थामा साउदी नागरिकले चलाएको कार ठोक्किएको हो । तल्लो अदालतले सडकमा सूचना संकेत उपयुक्त आकारको नराखिएका कारण दुर्घटना भएकाले गोलेको २५ प्रतिशत दोष भएको भन्दै तीन लाख रियाल ब्लड मनी तिर्नु पर्ने फैसला गरेको थियो ।

तर त्यस फैसलाका विरुद्ध उच्च अदालतमा पुनरावेदन गरिएको थियो । फैसला पछि उहाँका परिवारले सञ्चारमाध्यम र नेपाल सरकारसँग पनि सहयोगका लागि अपिल गरेका थिए । आफूसँग रकम नभएको भन्दै गोलेका बुवा ठूलाकान्छा गोलेले सरकारसँग सहयोगका लागि अनुरोध गर्नुभएको थियो ।

उच्च अदालतले फैसला सुनाएपछि गोलेले न्याय पाउनु भएको छ । उहाँले तिर्नुपर्ने भनिएको ब्लड मनी बीमा कम्पनीले व्यहोर्ने र गोलेलाई अभियोगबाट मुक्त गर्न अदालतले आदेश दिएको थियो । नेपाली साझा मञ्चका साउदी अरबका अध्यक्ष महेश श्रेष्ठका अनुसार गोले मंगलबार नै नेपाल आइपुग्नु हुनेछ । ujyaaloonline

http://ift.tt/eA8V8J

Category:


www.shyane.com.np:
नेपालमा बसेर केहि गर्ने हाम्रो चाहना र तपाईं हरुको होउसलाले हामी लाई अगाडी बद्न सहयोग गर्नेछ । धन्यवाद !!

0 comments

Thanks.

Your Choice

रोचक जानकारी

यौन/स्वास्थ्य

TWITTER

Earth Quake Update