क्यान्सरलाई जितेकी मनिषा कोइराला फिस्टुलाबारे जनचेतना जगाउँदै

shyane.com.np | 12:27 PM | 0 comments

काठमाडौं, १६ साउन । नायिका मनिषा कोइराला केही समययता सामाजिक सेवामा क्रियाशील हुँदै आएकी छन् । विभिन्न सामाजिक र व्यावसायिक संघ–संस्थाकी ब्रान्ड एम्बेसडरसमेत रहेकी मनिषा राष्ट्रसंघीय जनसंख्या कोषकी ‘सद्भावना दूत’ पनि हुन् ।

क्यान्सर जस्तो कडा रोगलाई जितेकी मनिषा यतिखेर बलिउडमा फिल्म खेल्न छाडेर नेपाल आई सामाजिक क्रियाकलापमा सहभागी हुँदै आएकी छन् । नेपाल सरकारले उनलाई सरसफाई दूत नियुक्त गरेको छ भने एनआईसी बैंकको उनी ब्रान्ड एम्बेसडर पनि हुन् ।

मनिषा अहिले ‘फिस्टुला’ रोगबारे जनचेतना जगाउने अभियानमा सहभागी भएकी छन् । राष्ट्रसंघीय जनसंख्या कोषको सहयोगमा उनी आइतबार (साउन १५ गते) धरानस्थित बीपी कोइराला चिकित्सा अध्ययन संस्थानमा फिस्टुला रोगबारे त्यहाँ चिकित्सक, नर्स, विरामीसँग अन्तरक्रिया गरेकी थिइन् ।

पछिल्लो समय नेपालमा फिस्टुला, पायल्स, फिसर जस्ता रोगले धेरै नेपालीलाई संक्रमण गरेपछि राष्ट्रसंघीय जनसंख्या कोषले यसको न्यूनीकरण गर्न जनचेतना अभियान थालेको हो । कोषले लामो समयदेखि नेपालमा बसेर स्वास्थ्य क्षेत्रमा काम गर्दै आएको छ ।

मनिषाले फिस्टुलाको अप्रेसनपछि नयाँ जीवन पाएका विरामीसँग भेटेर यसबारे कुराकानी गरेको उल्लेख गर्दै फिस्टुलालाई समयमै उपचार गर्न सके यसबाट बच्न सकिने बताएकी छन् । फिस्टुला रोगको उपचार गर्न ढिलाइ भए यसबाट क्यान्सर लाग्ने चिकित्सकहरूको भनाइ छ ।medianp

http://ift.tt/eA8V8J

Category:


/>

www.shyane.com.np:
नेपालमा बसेर केहि गर्ने हाम्रो चाहना र तपाईं हरुको होउसलाले हामी लाई अगाडी बद्न सहयोग गर्नेछ । धन्यवाद !!

0 comments

Thanks.

Your Choice

रोचक जानकारी

यौन/स्वास्थ्य

TWITTER

Earth Quake Update