तरकारीवाली कुसुम बनिन् हिरोइन्….

shyane.com.np | 4:06 PM | 0 comments

काठमाडौं – तरकारी बोकेर बजार जाँदै गर्दाको तस्बिर सार्वजनिक भएपछि तरकारीवालीको रुपमा भाइरल बनेकी गाेरखाकी कुसुम श्रेष्ठलाई अब चलचित्रको पर्दामा पनि देख्न पाइने भएको छ ।

श्रेष्ठ ‘लम्फू’ नामक चलचित्र मार्फत पर्दामा छाउन लागेकी हुन् । चर्चामा रहेको समय चलचित्र अभिनय सोच नभएको बताएकी उनले ‘लम्फु’ नामक चलचित्र भने अभिनय गरेकी छन् । निर्देशक गोपालचन्द्र लामिछानेले उनलाई आफ्नो चलचित्र ‘लम्फु’ अभिनय गराउन सफल भएकी हुन् ।

सामाजिक कामका लागि आफुले ‘लम्फु’ चलचित्र गरेको कुशुमले बताइन् । चलचित्र अभिनयको पारिश्रमीक उनले अनाथ बालबालिकाको लागि खर्च गरेकी छन् । यसै बर्ष भित्र रिलिजमा आउने चलचित्र ‘लम्फू’मा उनी कस्तो भूमिकामा रहेकी छन् त ? धेरैको चासोको बिषय यही हो । तर उनले आफ्नो भुमिका खुलाउन चाहिनन् । भनिन् ‘तपाइ र दर्शकले हलमा गएपछि मात्र मेरो भूमिका थाहा पाउनु हुनुहुनेछ ।’

‘लम्फु’को छायांकन अघिल्लो बर्ष नै भएको थियो । तर पनि निर्माण युनिटले कुशुमको अभिनय गोप्य राख्न सफल भयो । तर अहिले चलचित्र रिलिजको मिति नजिकिदै गर्दा निर्माण युनिटले यो बिषय लुकाउन सकेन ।

तस्बिर भाइरल भएपछि श्रेष्ठलाई ,चलचित्र, म्यूजिक भिडियो, विज्ञापन, मोडलिंङ लगायत बिभिन्न अफर थुप्रैले दिएका थिए । ‘लम्फू’ टीमको सामाजिक उत्तर दायित्वको सोच र आफुलाई मास्टर डिग्रीसम्म अध्ययनका लागि निःशुल्क छात्रावृत्ती दिएको कारणले आफुले लम्फु अभिनय गरेको कुसुमको भनाइ रहेको छ ।
पपुलर मल्टिमिडियाका लागि शक्तिबल्दभ घोरासैनीले निर्माण गरेको ‘लम्फू’मा कबिर खड्का, सलोन बस्नेत, चाँदनी शर्मा, मरिश्का पोखरेल, सञ्जित भण्डारी लगायतका कलाकारको अभिनय रहेको छ ।

गत बर्ष तरकारी बोकेर बजारतर्फ झर्दै गरेकी कुशुमका दुई फोटो रुपचन्द्र महर्जनले खिचेका थिए । गोरखाबाट चितवनको फिस्लिङ्तर्फ आउँदै गर्दा त्रिशुली नदीको झोलुंगे पुलमा तस्वीर कैद भएका थिए । भारतीय मिडियाले नेपालकी तरकारीवाली भन्दै तस्बिर भाइरल गरेपछि उनी नेपाल र भारतका सञ्चारमाध्यमको चर्चाको बिषय बनेकी थिइन् ।

The post तरकारीवाली कुसुम बनिन् हिरोइन्…. appeared first on Taja nepali news.

http://ift.tt/eA8V8J

Category:


www.shyane.com.np:
नेपालमा बसेर केहि गर्ने हाम्रो चाहना र तपाईं हरुको होउसलाले हामी लाई अगाडी बद्न सहयोग गर्नेछ । धन्यवाद !!

0 comments

Thanks.

Your Choice

रोचक जानकारी

यौन/स्वास्थ्य

TWITTER

Earth Quake Update